Bakıda qayınatası və qayınanasını yandırmaqda təqsirli bilinən şəxsin cinayət işi üzrə ibtidai istintaq başa çatıb. Bu haqda 7 yanvar tarixində APA məlumat yayıb.
Toplanan materiallar baxılması üçün Bakı Ağır Cinayətlər Məhkəməsinə göndərilib.
Hadisə sentyabrın 19-da saat 04:00 radələrində Nəsimi rayonu ərazisində baş verib. Şəhər sakini Rövşən Tağıyev həyat yoldaşının valideynlərinin yaşadığı evə gəlib və qayınatasının üzərinə və mənzilə benzin töküb yandırıb. Nəticədə zərərçəkmiş və arvadı müxtəlif dərəcəli yanıq xəsarətləri alıb.
Faktla bağlı “xüsusi amansızlıqla və ya ümumi təhlükəli üsulla adam öldürməyə cəhd” və “iki və ya daha çox şəxsi qəsdən öldürməyə cəhd” maddələri ilə cinayət işi başlanılıb.
