Rusiyanın Federal Hava Nəqliyyatı Agentliyi (“Rosaviasiya”) üç aviaşirkətə Azərbaycana reyslər həyata keçirməyə icazə verib. Bu barədə dekabrın 20-də İnterfaks Azərbaycan məlumat yayıb.
İcazə alan aviaşirkətlər “Azur Air”, “NordWind”, “IrAero” olub.
“İrAero” həftədə iki dəfə olmaqla Moskva-Füzuli və Moskva-Zaqatala reyslərini yerinə yetirəcək. “Azur Air” Rusiyanın dörd şəhərindən (Samara, Rostov-na-Donu, Krasnodar, Kazan) həftədə iki dəfə Bakıya uçuşlar həyata keçirəcək. “Nordwind” isə həftədə 7 dəfə olmaqla Soçi-Bakı reysini yerinə yetirməyə icazə alıb.
Füzuli hava limanında ilk uçuşlar 2021-ci il sentyabrın 5-dən başlayıb. Oktyabrın 16-da Füzuli hava limanına beynəlxalq status verilib. 2021-ci il oktyabrın 26-da Azərbaycan və Türkiyə prezidentlərinin iştirakı ilə hava limanının rəsmi açılışı baş tutub.
