Sumqayıt şəhərində sentyabrın 3-də Kimya Sənaye Parkında “Azmonbat” MMC-nin açılışı olub. Zavod qurğuşun tərkibli köhnə akumlyatorların utilizasiyasını həyata keçirəcək.
Müəssisədə istehsal edilən məhsullar daxili bazarın tələbatını ödəməklə yanaşı, Türkiyə, Bolqarıstan və MDB ölkələrinə ixrac ediləcək.
Sözügedən şəhərdə bu gün həmçinin güzəştli mənzil layihəsi çərçivəsində növbəti yaşayış kompleksinin təməli qoyulub və 20 nömrəli tam orta məktəbin binası istifadəyə verilib.
Bundan əlavə Sumqayıtda Məhkəmə Kompleksinin də açılışı olub.
