Ötən il Azərbaycanda qadınlara qarşı 5 176 cinayət törədilib. Bu, dekabrın 24-də “Gender bərabərliyinin təmin edilməsinə nəzarəti həyata keçirən icra hakimiyyəti orqanının illik məlumatı”nda əksini tapıb.
Qısqanclıq və ailə münaqişəsi zəminində 973, o cümlədən zorakılıqla müşayiət olunan 2 067 cinayət qeydə alınıb. Həmin əməlləri törətmiş 2 414 şəxs məhkəmə məsuliyyətinə cəlb olunub.
Qeyd edək ki, ölkədə 2021-ci ilin 9 ayı ərzində baş verən qəsdən adam öldürmə və adam öldürməyə cəhd cinayətləri nəticəsində 51 qadın həyatını itirib. Statistikaya əsasən, bu il məişət zorakılığı ilə bağlı cinayətlərin sayı əvvəlki illə müqayisədə təxminən 25% artıb.
