Avqustun 30-dan sentyabrın 4-dək İtaliyanın Bari şəhərində “Bərpa həftəsi - 2021” çərçivəsində keçirilən tədbirlərdə Azərbaycan Mədəniyyət Nazirliyinin nümayəndələri də iştirak edib. Bu barədə Azərbaycan Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən sentyabrın 3-də məlumat verilib.
Sentyabrın 2-də “Bərpa həftəsi - 2021” çərçivəsində Azərbaycanla bağlı ölkə təqdimatı təşkil olunub. Azərbaycanın İtaliyadakı səfiri Məmməd Əhmədzadə işğaldan azad olunmuş ərazilərinin bərpasından və minalardan təmizləmə fəaliyyətindən danışıb.
Tədbirdə həmçinin Ermənistan tərəfindən 30 il ərzində işğal altında saxlanılan ərazilərdə tarixi və mədəni abidələrin dağıdılmasına dair məlumatlar və fotoaktlar nümayiş olunub.
Azərbaycan nümayəndə heyəti 3 sentyabr tarixində Matera şəhərində keçiriləcək tədbirlərdə də iştirak edəcək.
Tədbirə Azərbaycanla yanaşı Albaniya, Livan, Kuba, Səudiyyə Ərəbistanı və İsraildən olan nümayəndə heyətləri də qatılıb.
[gallery size="full" ids="5629,5631,5632" orderby="rand"]
