Avqustun 29-da Azərbaycanın mədəniyyət paytaxtı Şuşa şəhərində yenidən qurulan “Qarabağ” hotelinin açılışı olub. Bu haqda president.az məlumat yayıb.
Açılışda İlham Əliyev və Mehriban Əliyeva iştirak ediblər.
Hotel binası 1980-cı ildə inşa edilib. Şuşanın işğalı nəticəsində baxımsızlıqdan tamamilə yararsız vəziyyətə düşüb. 2021-ci ildə prezidentin tapşırığına əsasən, hoteldə təmir-bərpa işləri başlanıb.
Səfər çərçivəsində, Bülbülün və Üzeyir Hacıbəylinin ev-muzeylərinin, Molla Pənah Vaqifin muzey-məqbərə kompleksinin açılışları olub. Bundan əlavə, İlham Əliyev Şuşada “Otel və Konfrans Mərkəzi”nin və yeni yaşayış massivinin təməllərini qoyub.
