Azərbaycana Rusiyadan göndəriləcək pul vəsaitlərinin həcminin azalması gözlənilir. Bu barədə 14 mart tarixində Milli Məclisin İqtisadi siyasət, sənaye və sahibkarlıq komitəsinin üzvü, deputat Vüqar Bayramov Apa-ya bildirib.
Onun sözlərinə görə, bu, Rusiyaya qarşı tətbiq edilən sanksiyalar, bank sisteminin SWIFT-dən çıxarılması və ölkədə hesablaşmalara qoyulan məhdudiyyətlər fonunda baş verəcək.
Vüqar Bayramov bildirib ki, hər iki ölkə daha çox daxili ödəniş proqramlarından istifadə edərək ödənişləri həyata keçirə bilər: “Rusiyanın tətbiq etdiyi daxili ödəniş proqramları ilə Azərbaycan banklarının əməkdaşlıq qurması vacibdir”.
2021-ci ildə Azərbaycandan Rusiyaya 1,2 milyard dollar həcmində pul köçürmələri həyata keçirilib.
