Kiçik və orta sahibkarlar üçün nəzərdə tutulmuş "Yevlax Pilot Aqropark"ın açılışı olub. Bu barədə 4 dekabr tarixində iqtisadiyyat naziri Mikayıl Cabbarov Twitter səhifəsində məlumat verib.
103 milyon manatlıq dəyəri olan layihənin 74 milyon manatını özəl, 29 milyon manatını isə dövlət investisiyası təşkil edib.
Sözügedən aqroparkda 500 nəfər daimi, 1 000 nəfər mövsümi işlə təmin ediləcək.
Aqroparkda nar, badam, xurma, zeytun, gilas, ərik, şaftalı və s. bağlar salınacaq. Həmçinin burada qablaşdırma məhsulları, meyvə qurusu, cem, ət və süd məhsulları, makaron, konservləşdirilmiş məhsullar, meyvə tingləri, toxum, heyvan yemləri və gübrə, istixana şəraitində tərəvəz bitkilərinin istehsalı planlaşdırılır.
İstehsal olunan məhsulların beynəlxalq sertifikatlaşdırılmasına da dəstək göstəriləcək.
Bununla yanaşı “Yevlax Pilot Aqropark”ında aqronom və biznes-konsaltinq xidmətləri göstəriləcək.
Kiçik və orta sahibkarlar üçün nəzərdə tutulmuş bu #aqropark-ın ilk rezidenti “İsfa” MMC-yə fəaliyyətində uğurlar arzulayırıq.
2/2#İZİA #İqtisadiyyat #EconomyAz pic.twitter.com/azZkFikEhR
— Mikayil Jabbarov (@MikayilJabbarov) December 4, 2021
