Kənd təsərrüfatı istehsalı və emalı ilə məşğul olmaq istəyən sahibkarlar pilot layihə çərçivəsində Yevlaxda yaradılması nəzərdə tutulan aqroparkda fəaliyyət göstərməyə dəvət edilir. Bu barədə 2 sentyabr tarixində İqtisadiyyat Nazirliyi öz rəsmi səhifəsində məlumat yayıb.
Aqroparkın ərazisində emal sahələrinin, bina və qurğuların, texnika parkının, müxtəlif təyinatlı anbarların inşası nəzərdə tutulur. Aqroparkın ərazisində torpaq sahələri 20 hektaradək hissələrə bölünəcək və müasir suvarma sistemi ilə təmin ediləcək. Müəssisənin ərazisində bitkiçilik məhsullarının əkini üçün sahələr yaradılacaq. Sənaye zonasında emal müəssisələri yaratmaq niyyətində olan sahibkarlara üstünlük veriləcək.
Əlavə məlumatı “Sumqayıt Kimya Sənaye Parkı” MMC-nin elektron poçt ünvanı ([email protected]) və ya telefon (012 488 80 65, daxili 116,169) vasitəsilə almaq olar.
