Qalina kosmetologiya sahəsində həkim kimi çalışarkən Əli adlı iranlı ilə tanış olub. Əli daha sonra Rusiyaya gəlib. Cütlük evlənib və onların Daşa adlı qızı dünyaya gəlib. Bir müddət sonra ailədə problemlər yaranıb.
İnsanoid.com xarici KİV-ə istinadən xəbər verir ki, Əli həyat yoldaşına qarşı zorakılıq edib. Qalina növbəti döyülmədən sonra xəstəxanaya yerləşdirilib. Bundan istifadə edən Əli qızını İrana aparıb.
Qalina qızını tapmaq üçün İrana gedib və onları orada aşkar edib. Lakin Əli uşağı anasına qaytarmaqdan imtina edib. O, qızını doqquz yaşı tamam olduqda ərə verəcəyini bildirib. Rusiya Federasiyasında kişiyə qarşı öz qızına cinsi zorakılıq etməkdə ittiham olunaraq cinayət işi qaldırılıb.
Qalina qızı ilə birlikdə İrandan çıxmağa çalışsa da, buna nail ola bilməyib. Bildirilir ki, Əli uşağın ölkəni tərk etməsinə qadağa qoyub. Qadının İran hakimiyyətinə etdiyi müraciətlər isə nəticəsiz qalıb.
Qalina ölkədən çıxmasına kömək edəcəklərini vəd edən vasitəçilərə bir neçə milyon rubl ödəyib. Lakin onların heç biri vədinə əməl etməyib.
Ana və qızı təxminən iki il Tehranda qalmağa məcbur olublar. İyunda İsrail və ABŞ-ın Tehrana endirdiyi hava zərbələri zamanı yaranan qarışıqlıqdan istifadə edən Qalina qızını götürərək gizləndikləri evdən çıxıb.
Onlar yerli sakinlərin köməyi ilə atəşə məruz qalan ərazidən insanların təxliyə edildiyi gəmiyə çatıblar. Gəmi ilə Türkiyəyə gedən ana və qızı daha sonra Rusiya səfirliyində sənədləşmə işlərini tamamlayıblar və təyyarə ilə Sankt-Peterburqa qayıdıblar.
Hazırda Qalina kosmetologiya biznesinə qayıdıb və Daşanı məktəbə hazırlayır. O, oxşar vəziyyətlərlə üzləşən qadınlara gələcəkdə kömək etmək istədiyini bildirib.
