Almaniyada təşkil olunan Avropa çempionatının 1/4 finalında İspaniya yığmasına məğlub olan meydan sahiblərinin azarkeşləri ilə ingiltərəli fanatlar arasında dava düşüb. Bu barədə İnsanoid "Daily Mail"ə istinadən bu gün, 6 iyul tarixində xəbər verir.
Buna İngiltərə millisinin azarkeşlərinin almaniyalı fanatları ələ salması səbəb olub.
İngiltərəli azarkeşlər yerli fanatları Almaniya mübarizəni dayandırdığına görə ələ salıb, onları təhqir edən mahnılar və İspaniyanı dəstəkləyən şüarlar səsləndiriblər. Bu, fanatların bir-birinə plastik qablar atmasına və davaya səbəb olub. Nəticədə hadisəyə polislər müdaxilə etmək məcburiyyətində qalıblar.
İspaniya yığması Almaniyanı 2:1 hesabı ilə məğlubiyyətə uğradaraq yarımfinala vəsiqə qazanıb.
