ABŞ-də ana körpəsini saçqurutma feni ilə yandıraraq öldürüb.
İnsanoid.com xarici KİV-ə istinadla bildirir ki, hadisə Corciya ştatının Coveta şəhərində baş verib.
Belə ki, 32 yaşlı Morqan Alison Kril körpəsini saçqurutma feni ilə isti saxlamağa çalışıb. Lakin qadın yuxuya gedib və səhər oyananda uşağın hərəkət etmədiyini görüb. Gələn həkimlər uşağın ürəyini masaj etsələr də, onu xilas etmək mümkün olmayıb.
Qadın həbs olunub, lakin bir neçə gün sonra şərti azadlığa buraxılıb. Sonradan prokurorluq onun barəsində açılan cinayət işinə ağırlaşdırıcı hal əlavə edib. Məlum olub ki, ana hadisə baş verərkən narkotikin təsirində olub və amansızlıqla körpəsini öldürüb.
O, 1 il sonra yenidən saxlanılıb və cəzaçəkmə müəssisəsinə yerləşdirilib.
