Cəlilabadda məktəbdəki qanunsuzluqlarla bağlı cinayət işi başlanılıb. Bu barədə İnsanoid Baş Prokurorluğun mətbuat xidmətinə istinadən bu gün, 1 fevral tarixində məlumat verir.
Rayonun Göytəpə şəhər 1 nömrəli tam orta məktəbində baş verən qanunsuzluqlarla bağlı rayon prokurorluğunda araşdırma aparılıb.
Qeyd edilən məktəbdə 2022-ci ildə tədris edilməmiş dərs saatları və dərsdənkənar məşğələlərə görə əməkhaqqı ödənilməsi nəticəsində dövlət büdcəsinə ziyan vurulmasına əsaslı şübhələr müəyyən edilib.
Fakta görə Cinayət Məcəlləsinin 179.2.3 (qulluq mövqeyindən istifadə etməklə mənimsəmə) və 308.1-ci (vəzifə səlahiyyətlərindən sui-istifadə) maddələrilə cinayət işi başlanılıb.
İbtidai istintaq davam etdirilir.
