Xalq artisti Emin Ağalarov sahib olduğu istirahət mərkəzi ilə bağlı yayılan iddialara növbəti dəfə aydınlıq gətirib. Bu barədə 20 iyul tarixində İnsanoid xəbər verir.
Ötən gün Ağalarov "Instagram" hesabında video paylaşaraq, bu məsələyə təkrar qayıdıb.
Borudan yalnız təmiz su axdığını deyən müğənni izləyicilərini inandırmaq üçün bu suyun altında çimib: "Bu boru haqqında hamı deyirdi ki, bu tullantıdır, bu isə təmiz Xəzər suyudur. Bunu isbat etmək üçün suyun altında çiməcəm. Su axır, əlimdə qum qalır. Su təmizdir, duzludur".
Sosial şəbəkələrdə yayılan və çaşqınlıq yaradan həmin su turbasının qumlu təmiz su olduğu üzə çıxdı. Bu prosesin edilməsində məqsəd qayıqların və kiçik həcmli gəmilərin sahilə gələ bilməsidir.
Qeyd edək ki, bir neçə gün öncə Xəzər dənizinə borudan çirkli suyun axıdılması iddia olunurdu, bununla bağlı sosial şəbəkələrdə video yayılmışdı.
[playlist type="video" tracklist="false" ids="186423"]
