Finlandiya hökuməti sentyabrın 1-dən ölkəyə giriş icazəsi üzrə bir sıra hüquqi normaları sərtləşdirəcək. Bu barədə 4 iyul tarixində APA məlumat verib.
Bildirilib ki, dəyişikliklər miqrantlar tərəfindən müvafiq hüquqi prosedurlara riayət olunmasını təmin etmək məqsədi daşıyır.
Dəyişikliklərə əsasən, müvəqqəti yaşayış və iş icazəsinin verilməsindən imtina olunan şəxslər növbəti dəfə bu məqsədlə müraciət edə bilməyəcəklər. Digər tərəfdən, səlahiyyətli hökumət qurumuna müvafiq tələblə müraciət edən əcnəbilər aid olduqları ölkənin ümumvətəndaşlıq pasportunu da təqdim etməlidirlər.
Yekunda onlar barədə məlumatlar müvafiq portala daxil ediləcək və bu da həmin şəxslərin sürətli identifikasiyasına imkan verəcək.
