Sabah Yer kürəsinə güclü maqnit qasırğası təsir edəcək.
İnsanoid.com ABŞ-nin Milli Okean və Atmosfer Administrasiyasının Kosmik Hava Proqnozu Mərkəzinə istinadən xəbər verir ki, Günəşdə yüksək intensivlikdə X3.3 sinifinə aid partlayış qeydə alınıb. Sonuncu dəfə belə bir X sinifli partlayış 9 oktyabr tarixində baş verib və o zaman intensivlik X1.4 səviyyəsində idi. Bu dəfəki partlayış əvvəlkindən iki dəfə daha güclüdür və planetimizdə elektromaqnit təsirlərinə səbəb ola bilər.
Bu cür maqnit qasırğaları texnoloji sistemlər, o cümlədən rabitə və peyk əlaqələri, elektrik şəbəkələri üçün potensial təhlükə daşıyır və insan sağlamlığına təsir göstərə bilər. Elm adamları xüsusilə həssas şəxslərə ehtiyatlı olmağı tövsiyə edir.
[playlist type="video" ids="200824"]
