İranlı müğənni Parastu Əhmədi və ona müşayiət edən musiqiçilərə hicabsız onlayn konsert verdikləri üçün cinayət işi açılıb.
"Iran International", "IranWire" və "Euronews"-un məlumatına görə, konsert hüquqi icazə olmadan keçirilib və ölkənin qanuni və mədəni standartlarına uyğun gəlməyib.
İran qanunlarına əsasən, qadınlara təkbaşına müğənnilik etmək və ictimaiyyət qarşısında hicabsız çıxış etmək qadağandır. Əhmədinin tamaşaçısız konserti canlı yayımlanıb və 12 saat ərzində 74 min dəfə izlənilib, baxmayaraq ki, İranda YouTube-a giriş məhduddur.
Müğənni konsertdən əvvəl belə deyib: “Sevdiyim insanlar üçün oxumaq istəyirəm. Bu, laqeyd qala bilməyəcəyim bir hüquqdur: məhəbbətlə sevdiyim torpağım üçün oxumaq.”
Konsertin görüntülərinin yayılmasından sonra təhlükəsizlik xidməti əməkdaşları onun evinə basqın ediblər və onu dindirilmək üçün Tehranın prokurorluğuna çağırıblar. Əhmədinin hazırda harada olduğu məlum deyil.
