Kəlbəcərdə ölümlə nəticələnən ağır yol qəzası baş verib. Bu barədə APA 26 iyun tarixində xəbər verib.
İstibulaq kəndində hərəkətdə olan "Mersedec ML" markalı avtomobil idarəetmədən çıxaraq aşıb. Hadisə nəticəsində 2 nəfər ölüb, 5 nəfər yaralanıb.
DİN-in Mətbuat Xidmətinin baş inspektoru Eşqin Qasımov bildirib ki, iyun ayının 25-də saat 20:30 radələrində Kəlbəcər Rayon Polis Şöbəsinə rayonun İstibulaq kəndi ərazisində “Mercedes” markalı avtomobilin aşması barədə məlumat daxil olub.
Onun sözlərinə görə, polis əməkdaşları həmin ünvana gələrək müvafiq tədbirlər həyata keçiriblər. Hadisə nəticəsində Kəlbəcər rayon sakinləri - 69 yaşlı Məxsəd Lazımov və 66 yaşlı Qənirə Hüseynova ölmüş, 36 yaşlı Əlnur Qocayev, 45 yaşlı Vüsal Yusifov, 44 yaşlı Elşad Rəsulov, 42 yaşlı Xəyalə Yusifova və 40 yaşlı Ruhanə Rəsulova müxtəlif bədən xəsartələri almışlar.
Yaralılar xəstəxanaya yerləşdiriliblər, faktla bağlı araşdırmalar davam etdirilir.
