Bu gün Kiyevdə Rusiya Silahlı Qüvvələrinin (SQ) raket hücumu nəticəsində həlak olanlar üçün matəm elan edilib. Bu barədə 9 iyul tarixində Report xarici KİV-yə istinadən məlumat verib.
Bütün bayraqlar yarıya endiriləcək və bütün əyləncə tədbirləri qadağan ediləcək.
Məlumata görə, ölənlərin ümumi sayı 4-ü uşaq olmaqla 27 nəfərə çatıb. Ümumilikdə 117 nəfər yaralanıb.
“3 ərazidə işlər hələ də davam edir. Hadisə yerinə 377 xilasedici və Dövlət Fövqəladə Hallar Xidmətinin 76 texnikası cəlb olunub”, - idarədən bildirilib.
Qeyd edək ki, iyulun 8-də Rusiya Silahlı Qüvvələri Ukraynanın müxtəlif şəhərlərinə - Kiyev, Dnepr, Krivoy Roq, Slavyansk, Kramatorsk ərazilərinə hücum edib.
