Paytaxtın Nərimanov rayonunda yerləşən 212 saylı orta məktəbdə 5-ci sinif şagirdinə qarşı qeyri-etik hərəkətlər edən şəxs tutulub. Bu barədə oktyabrın 29-da Baku.tv xəbər yayıb.
Daxili İşlər Nazirliyinin Mətbuat Xidmətinin şöbə rəisi, polis mayoru Elşad Hacıyev bildirib ki, cinsi qısnama faktı təsdiqini tapıb. “Artıq həmin şəxs tutularaq cinayət məsuliyyətinə cəlb edilib”, - deyə o bildirib.
Hadisə 27 oktyabr tarixində saat 18:40 radələrində baş verib. 30-35 yaşlı kişi valideyn adı ilə məktəbə daxil olub. 11 yaşlı qız dərs bitdikdən sonra məktəbin dəhlizində atasını gözləyərkən naməlum şəxs məktəbliyə yaxınlaşaraq, onu cinsi qısnamaya məruz qoyub.
