Mehdiabadda narkotiklərin satışı ilə məşğul olan və qanunsuz odlu silah saxlayan şəxslərə qarşı əməliyyat keçirilib. Bu haqda 8 fevral tarixində Daxili İşlər Nazirliyinin Mətbuat Xidməti məlumat verib.
Polis əməkdaşları tərəfindən narkotik vasitələrin qanunsuz dövriyyəsi ilə məşğul olan əvvəllər məhkum olunmuş Asəf Məmədov və Abbas Qafarov saxlanılıblar. Həmin şəxslərdən ümumilikdə 7 kiloqrama yaxın narkotik vasitə marixuana aşkar edilib.
Digər əməliyyat zamanı üzərində qanunsuz olaraq odlu silah-sursat gəzdirən,
əvvəllər məhkum olunmuş Elbəyi Əmirov tutulub. Onun üzərinə baxış zamanı 1 ədəd “Kalaşnikov” markalı avtomat, 4 ədəd patron, həmin silaha məxsus daraq və narkotik vasitə heroin tapılıb.
Faktlarla bağlı istintaq tədbirləri davam etdirilir.
