Naməlum şəxs Türkiyə və Suriyadakı zəlzələ qurbanlarına 30 milyon dollar ianə edib. Sonra isə yoxa çıxıb. Bununla bağlı Pakistanın Baş naziri Şahbaz Şərif “Twitter” səhifəsində paylaşım edib.
Bu barədə 15 fevral tarixində Oxu.az məlumat verib.
Zəlzələdən sonra Türkiyəyə xilasetmə qruplarını yola salan Pakistan yük maşınları və təyyarələr vasitəsilə də humanitar yardımlar göndərməyə davam edir.
Son olaraq isə adı açıqlanmayan bir pakistanlı Türkiyənin Vaşinqtondakı səfirliyinə gələrək, zəlzələ qurbanları üçün 30 milyon dollar bağışlayıb, sonra isə səssizcə səfirliyi tərk edərək yoxa çıxıb.
“Adı açıqlanmayan bir pakistanlı Türkiyənin ABŞ-dəki səfirliyinə gələrək, Türkiyə və Suriyada zəlzələdən zərər çəkənlərə 30 milyon dollar bağışlayıb. Bu, məni çox təsirləndirdi. Bu, bəşəriyyətin aşılmaz kimi görünən çətinliklərini dəf etməyə imkan verən şərəfli xeyriyyəçilik nümunəsidir”, - deyə o qeyd edib.
