2022-ci ilin yanvar-aprel aylarında yeni nəsil nəzarət-kassa aparatları (NKA) vasitəsilə qeydə alınan dövriyyə 6 milyard manatdan çox olub. Bu barədə 7 may tarixində Dövlət Vergi Xidməti məlumat verib.
Məlumata əsasən, indiyədək ölkə ərazisində 58 mindən çox yeni nəsil NKA quraşdırılıb.
Bildirilib ki, cari ilin 3 ayı ərzində Dövlət Vergi Xidmətinin xəttilə dövlət büdcəsinə 5,03 milyard manat vergi daxil olub. Qeyri-neft-qaz sektorundan daxilolmalar 3,43 milyard manat olub.
Ödənilən vergilərin 68%-i qeyri-neft-qaz sektorunun, 32%-i isə neft-qaz sektorunun payına düşüb.
