Özbəkistanda yeni doğulan övladını satmağa cəhd edən cütlüyə məhkəmədə hökm oxunub. Bu barədə 6 iyul tarixində Oxu.az məlumat verib.
Məlumata görə, birlikdə yaşayan 35 yaşlı qadın və kişinin körpəsi dünyaya gəlib. Qadın sevgilisinə körpəni satıb, əldə etdiyi gəlirlə ev almaq istədiyini bildirib. Tezliklə uşağı götürmək istəyən bir adam tapılıb, qısa bir "sözləşmədən" sonra uşağı 190 milyon soma (25 664 manat) satmağa razılaşıblar.
Ailə başçısı məbləğin birinci hissəsini alan zaman saxlanılıb. Cütlük barəsində uşaq alveri maddəsi ilə cinayət işi açılıb. Nəticədə o, 5 il müddətinə, qadın isə 4 il müddətinə azadlıqdan məhrum ediliblər.
Qeyd edək ki, kişinin 7 uşağı olduğu üzə çıxıb. Onların kiminlə yaşadığı məlum deyil.
