“Xırda talama” maddəsi ilə təqsirli bilinərək barəsində iki ay müddətinə inzibati həbs tənbeh tədbiri tətbiq edilən şəxs vəfat edib. Bu barədə 1 fevral tarixində APA Daxili İşlər Nazirliyinə istinadən məlumat verib.
Belə ki, 1988-ci il il təvəllüdlü “narkotik vasitələrin və psixotrop maddələrin qanunsuz dövriyyəsi ilə əlaqədar cinayətlər” və İXM-in müxtəlif maddələri ilə əvvəllər dəfələrlə məhkum olunan Aslan Məmmədov narkotik vasitələrin aludəçisi olduğundan səhhəti qəfil pisləşdiyi üçün saxlanma məntəqəsində ona ilkin tibbi yardım göstərilib:
"Bütün tibbi müdaxilələrə baxmayaraq, o, xəstəxanaya aparılarkən ölüb. İlkin xarici müayinə zamanı meyit üzərində digər hər hansı xəsarət aşkar edilməyib", - məlumatda bildirilib.
Faktla bağlı araşdırma aparılır.
