Qubada azyaşlını oğurluq etməyə təhrik edən şəxs saxlanılıb. Bu barədə 29 oktyabr tarixində Report məlumat verib.
Belə ki, bir nəfər Polis Şöbəsinə müraciət edərək ona məxsus evdən oğurluq olması barədə məlumat verib. Zərərçəkmişə məxsus evdən 4 400 manat pul oğurlandığı müəyyən edilib.
Polis əməkdaşları tərəfindən keçirilən əməliyyat-axtarış tədbirləri nəticəsində cinayət əməlini törətməkdə şübhəli bilinən rayon sakini Aslan Xudaverdiyev saxlanılıb.
Məlum olub ki, A.Xudaverdiyev törətdiyi cinayət əməlinə azyaşlı qonşusu Məmmədi də (ad şərti) müəyyən vədlər verməklə cəlb edib.
Faktla bağlı cinayət işi başlanılıb.
