Şamaxıda “Tənha anaların sosial inkişafına dəstək” layihəsi çərçivəsində sosial müəssisə açılıb. Bu barədə mayın 7-də Kiçik və Orta Biznesin İnkişafı Agentliyi məlumat yayıb.
Müəssisənin istifadəyə verilməsində məqsəd tənha anaların sosial həyatda fəal iştirakını gücləndirməyə kömək olmaq və qadınların sahibkarlıq fəaliyyətini inkişaf etdirməkdir.
Layihə üçün uşaqlarını tək böyüdən və çoxuşaqlı anaların seçimi aparılıb. Onlar üçün təlimlər keçirilib və dərzilik fəaliyyəti üzrə avadanlıqlar verilib. Müəssisədə istehsal olunacaq məhsulların satışına Şamaxı rayon İcra Hakimiyyəti dəstək göstərəcək.
[URIS id=47055]
