Şəmkirdə baş vermiş ağır yol qəzalarında həlak olmuş qadınlar müəllim olublar. Bu haqda 14 fevral tarixində Qafqazinfo məlumat verib.
Avtoqəzalar fevralın 12-si qeydə alınıb. Saat 19:00 radələrində baş verən qəzada vəfat edən 52 yaşlı Təranə Nağıyeva Şiştəpə kənd Q.Allahverdiyev adına tam orta məktəbin ingilis dili müəllimi idi.
Digər hadisə saat 20:00 radələrində Heydər Əliyev prospektində baş verib. Yol qəzası nəticəsində dünyasını dəyişən piyada - 28 yaşlı Səma Nağıyeva Şəmkir şəhərindəki məktəblərdən birində müəllim kimi fəaliyyət göstərirmiş.
Hər iki hadisə ilə bağlı cinayət işi açılıb. Araşdırmalar aparılır.
