Türkiyəli sənətkar İbrahim Tatlısəs zəlzələdən əziyyət çəkən vətəndaşlara dəstək olub. Bu barədə 21 fevral tarixində İnsanoid məlumat verir.
Sənətkar Bodrumdakı 5 evinin qapısını vətəndaşlara açaraq, “Evim Yuvan Olsun” kampaniyasına qatıldığını vurğulayıb.
Tatlısəs İnstaqram hesabında video paylaşaraq hər kəsi kampaniyaya qoşulmağa çağırıb.
““Evim Yuvan Olsun” kampaniyasına qoşul. İndi yaraları sağaltmaq vaxtıdır. Bodrumda 5 mənzilimi zəlzələ qurbanlarına açdım. Mümkünsə, siz də edin”, - deyə o çağırış edib.
Qeyd edək ki, vitse-prezident Fuat Oktay Türkiyəni sarsıdan böyük zəlzələdən sonra kampaniyaya başladıqlarını açıqlayıb.
Xatırladaq ki, fevralın 6-da Türkiyədə baş vermiş zəlzələ nəticəsində ölənlərin sayı 41 mini keçib.
[playlist type="video" tracklist="false" ids="106335"]
