Yaponiyanın paytaxtı Tokioda "Harri Potter" filmlərinə əsaslanaraq inşa edilən dünyanın ən böyük qapalı əyləncə parkı istifadəyə verilib. Bu barədə İnsanoid “The Japan Times” nəşrinə istinadən bu gün, 16 iyun tarixində məlumat verir.
Tokionun Nerima rayonunda yerləşən parkın ərazisi 30 000 kvadratmetrdir.
“Warner Bros. Studios Japan”in idarə etdiyi parka giriş üçün biletləri əvvəlcədən sifariş əsasında əldə etmək mümkün olacaq.
Biletlərin qiyməti 18 yaşdan yuxarı olanlar üçün 6300 yen (45 dollar), 12-17 yaş arası şəxslər üçün 5200 yen (37 dollar) və 4-11 yaş arası uşaqlar üçün isə 3800 (27 dollar) yendir.
Xatırladaq ki, Harri Potter məşhur ingilis yazıçısı Coan Ketlin Roulinqin silsilə romanlarının baş qəhrəmanıdır.
