Türkiyənin Bolu şəhərində Merih Demiralın heykəli ucaldılacaq. Bu barədə 6 iyul tarixində Oxu.az məlumat verib.
Məlumata əsasən, Bolu Bələdiyyə Başçısı Tanju Özcan "bozqurd" işarəsinə görə UEFA-nın futbolçunu 2 oyunluq cəzalandırmasına reaksiya verib.
Özcan verilən cəzanı şiddətlə qınayıb və yerli futbol qurumunu da tənqid edib:
"Bu cəzanın qarşısını ala bilmədiyi üçün Futbol Federasiyasını lənətləyirəm".
Boluda "bozqurd" işarəsi göstərən Merihin heykəlini ucaldacağına da söz verən Tanju Özcan: "Avropa gəlsin, məni də cəzalandırsın",- deyib.
