2023-cü il fevralın 6-da ölkəni sarsıdan güclü zəlzələlər nəticəsində ciddi ziyan çəkən Türkiyənin Qaziantep vilayətinin Nurdağı şəhəri tamamilə söküləcək. Bunu qubernator vəzifəsini icra edən Osman Bilgin bildirib.
Bu barədə 14 fevral tarixində APA NTV telekanalına istinadən xəbər verib.
Onun sözlərinə görə, Qaziantep şəhərindən 45 km qərbdə yerləşən Nurdağı tamamilə sökülərək yenidən tikiləcək.
Zəlzələyə qədər orada 40 min insan yaşayırdı. Hazırda şəhərdə xilasetmə işləri davam edir.
