Türkiyədə baş verən zəlzələdən sonra ilk tanker Ceyhan ixrac neft terminalına qəbul edilib. Bu haqda 8 fevral tarixində Report məlumat verib.
“Vallesina” tankerinə İraq neftini yükləmək üçün Ceyhan ixrac terminalına yanaşmağa icazə verilib. Tanker İraq nefti ilə yüklənib.
Xatırladaq ki, Türkiyədə baş verən güclü zəlzələ səbəbindən ölkənin cənubunda yerləşən Ceyhan neft terminalında əməliyyatlar dayandırılmışdı. Ceyhan neft terminalı zəlzələnin episentrindən 155 kilometr məsafədə yerləşir.
