Türkiyədəki zəlzələnin yaratdığı mənzərə bütün dünyada dərin kədərlə qarşılansa da, bu hadisə erməniləri sevindirib. Bu barədə 9 fevral tarixində Oxu.az məlumat verib.
Ermənistanın Türkiyədəki zəlzələ ilə bağlı humanitar yardım göndərməsi xəbəri erməni cəmiyyətində rezonans doğurub. Bu məsələ ilə bağlı erməni jurnalistləri əhali arasında bir sorğu keçirib.
Belə ki, sorğunu cavablandıran ermənilərdən biri bildirib: “Əlbəttə, biz yardım göndərməli idik. Ancaq zəhərlənmiş yardım. Zəhərdən daha çox insan ölərdi (gülür)”.
Başqa bir respondent, türk düşmənçiliyini gizlədə bilməyən erməni qadın isə “Türkiyəyə yardım etmək lazım deyil, onlar bizim düşmənlərimizdir” sözlərini işlədib.
Daha bir faşist, insanlıqdan nəsibini almamış erməni isə çıxışında “Yaxşı olar ki, məndən bu barədə soruşmayasınız. Bizdə - Spitakda olan zəlzələni xatırlayırsınız? Mən oradanam. Türkiyədə vəziyyət daha pis olmalı idi. Yaxşı oldu ki, başlarına bunlar gəldi. Ümid edirəm ki, vəziyyət daha da pisləşəcək” kimi sərsəm fikirlərini dilə gətirib.
Xatırladaq ki, fevralın 6-da Türkiyədə 7,7 maqnitudalı zəlzələ olub. Nəticədə 14 351 nəfər ölüb, 63 794 nəfər yaralanıb.
Hadisə ilə əlaqədar olaraq ötən gün Türkiyədə 7 günlük ümummilli matəm elan edilib.
[playlist type="video" tracklist="false" ids="104932"]
