İlon Maska məxsus “Twitter” sosial şəbəkəsinin administrasiyası öz siyasətində Amerika şirkətlərinə narkotik vasitələrin, yəni marixuananın reklamına icazə verən dəyişikliklər edib. Bu barədə 16 fevral tarixində Report məlumat verib.
Şirkətin rəsmi twitter səhifəsində Biznes və Əməkdaşlıq bölməsində, məhdudiyyətlər nəzərə alınmaqla, marixuana reklamçılarının öz məhsullarını reklam edərkən Kanada və ABŞ-ni hədəf almasına icazə verilməsindən bəhs edilir.
Bunlara müvafiq orqanlar tərəfindən lisenziya verilməsi, yalnız mal və ya xidmətlərin internetdə təşviqi üçün icazəsi olan ölkələr və bölgələrə reklam təqdim etmək, onların təkliflərini azyaşlı internet istifadəçilərinə yaymamaq tələbləri daxildir.
Qeyd olunub ki, belə bir kampaniya martın sonuna qədər davam edəcək.
