Zaqatala Suvarma Sistemləri İdarəsinin əməkdaşı iş başında ölüb. Bu barədə İnsanoid APA-ya istinadən bu gün, 3 iyul tarixində xəbər verir.
Hadisə günorta saatlarında rayonun Çobankol kəndində baş verib.
52 yaşlı Zaqatala rayon sakini Hacıməhəmməd Rəhmətullah oğlu Qaracayev artezian quyusunda təmir işləri aparan zaman bilinməyən səbəbdən ölüb. H.Qaracayevin qəfil ölümünün dəqiq səbəbini aydınlaşdırmaq üçün meyit Məhkəmə Tibbi Ekspertiza və Patoloji Anatomiya Birliyinin Zaqatala rayon şöbəsinə təhvil verilib.
Faktla bağlı Zaqatala Rayon Prokurorluğunda araşdırma aparılır.
