Ötən il bugün, oktyabrın 26-da Ermənistan imzalanmış atəşkəsə rəğmən Tərtər şəhərini və rayonun kəndlərini artilleriya atəşinə tutub. Bu, Ermənistan tərəfindən pozulmuş 3-cü atəşkəs rejimi olub.
Hikmət Hacıyevin yaydığı məlumata əsasən, həmin gün ərzində Azərbaycanın yaşayış məntəqələrinə 200-dən artıq mərmi atılıb.
Təcili: Ermənistan silahlı qüvvəlləri humanitar atəşkəsi kobud şəkildə pozaraq Tərtər rayonunu intensiv atəşə tuturlar. Artilleriya və raketlərdən istifadə olunur.
Bu gün ərzində Tərtər daxil olmaqla Azərbaycanın yaşayış məntəqələrinə 200-dən artıq mərmi atılmışdır.— Hikmet Hajiyev (@HikmetHajiyev) October 26, 2020
Müdafiə Nazirliyinin bəyanatına görə, qarşı tərəf atəş zamanı “Smerç” reaktiv sistemindən də istifadə edib.
Prezident İlham Əliyev xalqa müraciətində bildirib: “Azərbaycan o dövlət deyil ki, onun maraqlarını kənara qoya bilsinlər. Ya hərb, ya da sülh yolu ilə bu məsələ həllini tapmalıdır”.
Dövlət başçısı, həmçinin Zəngilanın 4, Cəbrayılın 6, Qubadlının isə 7 kəndinin azad edilməsi haqqında tvit paylaşıb:
Qubadlı rayonunun Padar, Əfəndilər, Yusifbəyli, Çaytumas, Xanlıq, Sarıyataq, Mollabürhan kəndlərini və Qubadlı şəhərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!
— İlham Əliyev (@azpresident) October 26, 2020
