Bu il 1 milyon 450 min hektar ərazidə əkin sahələrinin suvarılması planlaşdırılır. Bu barədə 9 aprel tarixində “Meliorasiya və Su Təsərrüfatı” ASC-nin sədr müavini Zakir Quliyevə istinadən Report məlumat verib.
Onun sözlərinə görə, bunun 511 min hektarı taxıl sahələridir. O, qeyd edib ki, 100 min hektar sahədə pambıq əkini planlaşdırılır. Pambıq əkini ilə bağlı təxminən 70 min hektara yaxın ərazidə şum-arat işləri aparılıb, qalan ərazilərdə isə davam etdirilir.
Qeyd edək ki, 2021-ci ildə də Azərbaycanda 1 milyon 400 min hektar ərazidə suvarılma işləri aparılıb. Meliorasiya və su təsərrüfatının xətti ilə anbarlardan təqribən 10 milyard kubmetr su götürülüb.
