Cəbrayılda 2022-2026-cı illərdə 30 min hektara yaxın minalardan təmizlənmiş ərazidə meşənin salınması gözlənilir. Bunu dekabrın 29-da ekologiya və təbii sərvətlər nazirinin müavini Firdovsi Əliyev mətbuat konfransında deyib.
Onun sözlərinə əsasən, 10 hektar ərazidə Türkiyə ilə birgə qardaşlıq meşəsi yaradılacaq.
“Tək Zəngilan, Cəbrayılda deyil, bütövlükdə regionu əhatə edən işlər gündəlikdədir", - deyə qurumun rəsmisi vurğulayıb.
Qeyd edək ki, bundan əvvəl noyabrın 8-də Şuşada Topxana meşəsinin bərpasına start verilmişdir. 1988-ci ildə başlanan ekoloji terror nəticəsində Topxanada minlərlə qiymətli ağac işğal dövründə ermənilər tərəfindən kəsilərək məhv edilmişdir.
