Bakıda oktyabrın 24-də dövlət qulluğunda inzibati icraçı vəzifələrə aid olan vəzifə qrupları üzrə test imtahanı keçiriləcək. Bu barədə Dövlət İmtahan Mərkəzi (DİM) məlumat yayıb.
İmtahan saat 11:00-da başlayacaq və 3 saat davam edəcək. Saat 10:45-dən sonra gələn namizədlər qiymətləndirilməyə buraxılmayacaq.
Namizədlər “İmtahana buraxılış vərəqəsi”ni DİM-in saytından çap edə bilərlər. Buraxılış vərəqəsi ilə yanaşı onlara “Namizədin yaddaş kitabçası” da təqdim olunur. Burada iştirakçılara imtahan prosesi ilə bağlı tövsiyələr, onların əməl etməli olduqları qaydalar və digər zəruri məlumatlar çatdırılır.
