General-mayor Novruzəli Orucovun oğlu Rüstəm Orucov keçmiş sevgilisini təhdidr edir.
Milli.Az xəbər verir ki, bu barədə Nərmin Xudaverdiyeva özü məlumat verib.
Nərmin Xudaverdiyevanın sözlərinə görə, Rüstəm Orucovla sevgi münasibətində olub və ötən il ayrılıb.
"Yeni münasibətə başladığımı öyrəndikdən sonra Rüstəm Orucov tərəfindən müxtəlif təhdidlərə məruz qalmışam. Qapıma gəlib, maşınımı əzib, ünvanıma söyüş və təhqirlər səsləndirib. Olduğu məclislərdə mənim barəmdə xoşagəlməz ifadələr səsləndirib. Dünən olan hadisəyə qədər mən buna dözürdüm, lakin artıq hüquq-mühafizə orqanlarına müraciət etdim. Çünki feyk sosial media hesab açaraq mənim adımdan saxta mesajlar hazırlayıb və yayıb, bunu eyni zamanda mənim yeni münasibətdə olduğum adama göndərib. Artıq mən bu adamla bacara bilmirəm, canımdan bezmişəm. Rüstəm Orucov keçmiş məmur övladıdır, yəqin bunlara güvənib məni əzə biləcəyini düşünür".
R.Orucov bir vaxtlar Səfərbərlik və Hərbi Xidmətə Çağırış üzrə Dövlət Xidməti rəisinin həqiqi hərbi xidmətə çağırış üzrə müavini olmuş general-mayor Novruzəli Orucovun oğludur.
Rüstəm Orucov hələ 2017-ci ildə dostları ilə birlikdə Bakıda ona yol verməyən avtobus sürücüsünü döyüb. Bu hadisədən sonra Novruzəli Orucov vəzifəsindən azad edilib və məhkəmənin hökmü ilə Rüstəm Orucov 4 il 6 ay müddətinə azadlıqdan məhrum edilib.
2021-ci ildə isə R.Orucov yenidən medianın gündəminə gəlib. Bu dəfə isə o, marketlərin birində qida məhsullarını qəsdən yararsız hala salıb və bunu mobil telefon vasitəsilə çəkib. Buna görə isə saxlanılaraq izahatları alınmış və marketə dəymiş ziyan ödətdirilib.
