2022-ci ilin yanvar-mart aylarında istehlak qiymətləri 2021-ci ilin eyni aylarına nisbətən 12,2% artıb. Bu barədə 12 aprel tarixində Dövlət Statistika Komitəsi məlumat verib.
Məlumatda bildirilib ki, qida məhsulları üzrə qiymət artımı 17,5%, qeyri-ərzaq məhsulları üzrə 6,2%, ödənişli xidmətlər üzrə isə 10,1% təşkil edib.
Mart ayında əvvəlki aya nisbətən ən çox qiymət artımı tərəvəzlərdə (6,5%), balıq və balıq məhsullarında (3,4%) qeydə alınıb.
Xatırladaq ki, ötən il Azərbaycanda orta illik inflyasiya 6,7% təşkil edib.
