Masallıda qardaşını qətlə yetirməkdə təqsirli bilinən şəxs barəsində cinayət işi üzrə istintaq başa çatıb. Bu haqda aprelin 13-də APA məlumat yayıb.
İş baxılması üçün Lənkəran Ağır Cinayətlər Məhkəməsinə göndərilib.
İnsident yanvarın 5-də baş verib. Ərkivan qəsəbə sakini 44 yaşlı qardaşının 2 gün əvvəl itkin düşməsi barədə müraciət edib. İstintaq zamanı onun öz ailə üzvünü öldürməsi ortaya çıxıb.
O, törətdiyi cinayətin izlərini itirmək məqsədilə meyiti mərhumla birgə yaşadıqları evin həyətyanı sahəsində basdırıb.
Faktla bağlı cinayət işi başlanıb.
