Monteneqro hökuməti Podqoritsada baş verən, türkiyəlilərin və azərbaycanlıların qarışdığı bıçaqlanma hadisəsindən sonra Türkiyə vətəndaşları üçün vizasız gediş-gəliş rejimini müvəqqəti olaraq dayandırıb.
İnsanoid.com xəbər verir ki, Qərar Baş nazir Miloyko Spayiçin açıqlamasından sonra qəbul edilib, dəyişiklik rəsmi qəzetdə dərc olunandan bir gün sonra qüvvəyə minəcək.
Qeyd edək ki, oktyabrın 25-i axşam saatlarında Podqoritsada bıçaqlanma ilə nəticələnən kütləvi dava baş verib. Hadisə zamanı bir nəfər yaralanıb. Polis bir nəfər Türkiyə və bir nəfər Azərbaycan vətəndaşını hadisəyə qarışmaqda şübhəli bilərək saxlayıb. Bundan əlavə, 45 nəfər Türkiyə və Azərbaycan vətəndaşı da ölkədə qanunsuz qalmaq şübhəsi ilə həbs edilib.
O da vurğulanır ki, hadisədən sonra şəhərdə gərginlik artıb, sakinlər türkiyəlilərə məxsus bəzi obyektlərə hücum ediblər. Türkiyə XİN başçısı Hakan Fidan Monteneqro rəhbərliyi ilə danışıb, ölkə vətəndaşlarının təhlükəsizliyinə zəmanət alıb.
