"Space TV"də yayımlanan "Tarixin bir günü" verilişində müğənni Nüşabə Musayevanın efir etikası və ictimai dəyərlərlə ziddiyyət təşkil edən fikirləri səsləndirməsi ilə bağlı iddia sosial şəbəkələrdə ciddi narazılıqla qarşılanıb.
Mövzu ilə bağlı İnsanoid.com-un sorğusuna cavab olaraq Audiovizual Şuranın Kommunikasiya sektorunun müdiri Taleh Quliyev bildirib ki, Azərbaycan Respublikası Audiovizual Şurasının aidiyyəti struktur bölmələri tərəfindən sözügedən fikirlərin efirdə səsləndirilməsi iddiası ilə bağlı müvafiq qaydada araşdırma aparılıb:
"Araşdırmanın nəticələrinə görə, bu il aprelin 9-da 14:45-17:00 efir vaxtında "Space TV"də yayımlanan "Tarixin bu günü" proqramında iddia olunan fikirlərin efirdə yayımlanmadığı aşkar olunub".
Əsmər Sənani
