Hazırda Azərbaycanda peyvənd sertifikatının etibarlılıq vaxtı müddətsizdir. Bu barədə noyabrın 29-da “Trend”in sorğusuna cavab olaraq Səhiyyə Nazirliyi və TƏBİB-dən bildirilib.
Koronavirusun yeni ştamlarının yaranması isə buster dozanın əhəmiyyətini daha da artırır. Buster doza 2-ci dozadan 6 ay keçdikdən sonra yüksək risk qrupuna daxil olanlara (tibb işçiləri, yaşı 60-dan yuxarı olan şəxslər, autoimmun xəstəlikləri olan şəxslər) vurulması tövsiyyə olunur.
Mütəxəssislərin sözlərinə görə, virus dəyişmir, sadəcə olaraq, mutasiyaya uğrayır. Mutasiya nəticəsində isə fərqli ştamlar yaranır. Orqanizmdə yaranmış immunitetin zəifləməsinin qarşısını almaq üçün buster doza vacibdir. Buster doza qüvvətləndirici hesab edilir və koronavirusa qarşı yaranmış anticisimlərin uzunömürlü olmasını təmin edir.
Qeyd edək ki, ölkədə buster doza üzrə vaksinasiya olunanların sayı artıq 852 512 nəfər təşkil edir.
