Sumqayıt şəhərində “Azpetrol”un yaxınlığında polis əməkdaşları bıçaqlanıb. Bu haqda dekabrın 29-da Report məlumat verib.
Ötən gün axşam saatlarında paytaxt sakini Sumqayıt ŞPİ-nin Cinayət-axtarış şöbəsinin əməliyyat müvəkkilinə və kiçik inspektora bıçaqla müxtəlif dərəcəli bədən xəsarətləri yetirərək hadisə yerindən qaçıb.
Polis əməkdaşları tərəfindən həmin şəxs saxlanılıb.
Faktla bağlı Sumqayıt Şəhər Prokurorluğunda “hakimiyyət nümayəndəsinə qarşı müqavimət göstərmə və ya zor tətbiq etmə” maddəsi ilə cinayət işi başlanılıb.
