Quba Rayon İcra Hakimiyyəti başçısının sabiq müavini Xanlar Heybətovla Arif Mustafayevə hökm oxunub. Bu haqda 29 dekabr tarixində Report məlumat verib.
Hökmə əsasən, Xanlar Heybətov 9 min manat məbləğində cərimə olunub. Arif Mustafayev isə 6 ay 22 gün müddətinə azadlığın məhdudlaşdırılması (elektron qolbaq) cəzasına məhkum edilib. Həmçinin o, 6 min manat məbləğində cərimələnib.
Hər iki məhkum hökmdən narazı qaldıqları üçün apellyasiya şikayəti verib.
Qeyd edək ki, sabiq müavin Arif Mustafayevlə birgə aldatma yolu ilə özgə əmlakını ələ keçirmək məqsədilə dələduzluq edib. Onlar barəsində “Rüşvətə təhrik etmə”, “Dələduzluq, şəxs tərəfindən öz qulluq mövqeyindən istifadə etməklə törədildikdə” və “Dələduzluq, xeyli miqdarda ziyan vurmaqla törədildikdə maddələri ilə ittiham irəli sürülüb.
