Bir müddətdir Ramiz Rövşənin ayağında problem yaranıb. Onun hərəkət etməsi çətinləşib.
Bu barədə Teleqraf.az-a Azərbaycan Yazıçılar Birliyinin mətbuat xidmətinin rəhbəri Xəyal Rza Xalq şairi Ramiz Rövşənin səhhətində yaranan problemə münasibət bildirərkən deyib.
Onun sözlərinə görə, Xalq şairi yaxın günlərdə xəstəxanaya müraciət edəcək.
Qeyd edək ki, Ramiz Rövşən 1946-cı il dekabrın 15-də Bakının Əmircan kəndində anadan olub. Əslən Qubadlı rayonunun Teymur Müskanlı kəndindəndir.
2019-cu ildə Azərbaycan Respublikasının Xalq şairi adına layiq görülüb. Prezidentin fərdi təqaüdçüsüdür.
