Ucarda 11 yaşlı oğlan yeniyetmə qardaşını güllələyərək qətlə yetirib. Bu haqda Report dekabrın 5-də məlumat yayıb.
Hadisə rayonun Alpout kəndində baş verib. Kənd sakini Pünhan Abbasov ov tüfəngi ilə ehtiyatsızlıqdan açılan atəş nəticəsində qardaşı 2007-ci il təvəllüdlü Salik Abbasovu öldürüb.
Faktla bağlı araşdırma aparılır.
Azərbaycanda 2021-ci ilin ilk 6 ayı ərzində 14 mindən çox cinayət qeydə alınıb. Onlardan 9-u ehtiyatsızlıqdan adam öldürmə, qalanları isə digər cinayətlərə aiddir.
